Saudade de ti (1-60)

A noite en que a vila mariñeira de Abrente celebra as festas do Carme, un accidente de tráfico leva por diante a vida de dúas veciñas. Na arrepiante colisión morren unha moza chamada Uxía e Olga, a coñecida médica da vila. Celia, a filla da doutora, pronto descobre que a morte da súa nai tamén deixou orfos a tódolos doentes de Abrente… e unha morea de incógnitas. As malas linguas comezan a espallar rumores, porque a doutora viaxaba acompañada por un home que non é o seu marido. Quizais non as coñecían como eles crían. A traxedia deixa patas arriba a vida de tres familias, que agora curan as súas feridas mentres tratan de adaptarse ao seu novo día a día. Se poden. En Abrente, o pasado garda moitos segredos e ninguén pode escapar deles. Só é cuestión de tempo que comecen a saír á luz.