Rapa

Amparo Seoane, a alcaldesa de Cedeira e a muller con máis poder da zona, é asasinada. Investigar o crime vai converterse nunha obsesión para Maite, sarxento da Garda Civil, e para Tomás, a única testemuña do asasinato. Para Maite, atopar ao asasino é unha obriga, é o seu oficio. Para Tomás, que é profesor de Literatura no instituto e ao que ninguén lle deu voz nin vez, é a oportunidade -posiblemente a última- de vivir unha historia como as que lle apaixona ler, e quizais así poder contala. Ambos abrirán unha investigación que afectará ao conxunto do pobo. Todos, dun modo ou doutro, estaban relacionados con Amparo. Todos tiñan algo que gañar ou que perder coa súa morte.