Pano corado (Tanxugueiras)

Tanxugueiras presenta Pano Corado, un himno no que as cantareiras reivindican o amor libre e a diversidade. O tema, que forma parte do seu terceiro disco, acompáñase dun colorido videoclip.

Pano Corado nace como unha reivindicación á liberdade e de celebración da diversidade sexual e de xénero. “Queremos normalizar o amor e a vida. Queremos derrubar barreiras. Que cadaquén se sinta libre de amar a quen queira, que cadaquén goce do amor, da vida, de si mesma, da súa sexualidade ou da súa identidade como queira”, apuntan as pandeireteiras, autoras do tema que co-producen xunto a Iago Pico (Pouland Studios).