Nuno

Nuno ten un ano e poucos meses e vive comodamente cos seus pais. Son unha familia común e feliz, pero hai unha expectativa flotando no aire: Nuno está na idade de botar a falar. Os seus pais, cando falan entre eles, din cousas como «o neno está esperto?» ou «pásame o body». Sen embargo, cando se dirixen a el, as súas palabras cambian de xeito misterioso: «aih mi niño, que ya despertó!» ou «despertastes, mi vida?». Nuno sabe que ten que botar a falar, pero non sabe de que forma. De momento vai agardar un pouco, a ver se os seus pais se aclaran.