Motel Valkirias (1-8)

Nun motel transfronteirizo, a vida de tres mulleres con graves problemas económicos e persoais crúzase, de maneira fortuíta, cando descobren que Elixio, un cliente do motel, transporta unha mercadoría moi valiosa. Así é como Lucía, unha nai separada que foxe do seu exmarido, Eva, unha actriz en declive e Carolina, a dona do motel en bancarrota, se unen nun plan que podería solucionarlles a vida: roubar un botín. O que non saben estas tres mulleres é que a súa vida corre perigo porque a misteriosa mercadoría pertence a unha perigosa banda que se dedica ao branqueo de cartos e que, Luís Castro, a man executora, non dubida en ir tras elas para recuperar o que é seu, custe o que custe.