Lume

Lucía, unha xornalista que vive en Lisboa, regresa á súa aldea natal en Seara, situada na Raia Seca, para cubrir un gran incendio forestal que arrasa parte de Galicia e Portugal. Este retorno remexe o pasado, pois Lucía é filla de Afonso, acusado dun incendio en 1997 no que morreu un neno. Afonso foi encarcerado e acabou suicidándose, pero Lucía está convencida da súa inocencia. Durante a súa investigación, descobre unha trama de especulación de terras queimadas e proxectos eólicos que involucra autoridades locais e empresas internacionais. Mentres loita por desvelar a verdade, tamén debe enfrontarse aos prexuízos dos seus veciños e a un profundo conflito familiar.