Hi, my love (Sabela)

O videoclip de ‘Hi, My Love’ serve de transmisión visual das emocións que transmite a canción. Nun claro aceno á unión do movemento coa música, a introdución do baile é un alicerce fundamental da peza. Mediante as bailarinas, preténdese amosar a visceralidade sobre a que xira a letra do tema, á par que buscar ese contraste entre a tradición e a vangarda, que está moi presente na composición melódica do mesmo. Os bailes contemporáneos salpicados por elementos de baile tradicional son o conduto visual que conecta á perfección coa música de Sabela, na que tamén combina a música electrónica vangardista con elementos musicais tradicionais.