Hematofesti 2025 – Festival de humor e literatura infantil

Nun universo pixelado ao estilo dos videoxogos retro de Atari, unha explosión das luces de Nadal transforma ao mítico Dinoseto de Vigo nun “Godzilla”. Percorre a cidade sementando o caos e a diversión mentres recolle os iconos do Hematofesti —humor, música, literatura infantil—. A súa aventura culmina cando se reúne cos seus dinosetiños no gran espectáculo final: o Hematofesti 2025, festival de humor e literatura infantil en memoria do Hematocrítico.