Figa (Tanxugueiras)

Houbo un tempo no que a envexa e o negror marcaban as obrigas e o camiño das mulleres. Naquel momento moitas valentes arroxaron luz fronte ao pensamento único: a chama da colectividade, a irmandade, fiou o camiño do apoderamento. Iso é hoxe Figa: un canto á tradición, á reivindicación da identidade e da modernidade. A diversidade, de novo, como resposta fronte á escuridade.