Cinephilia

Cinephilia é un programa cultural semanal dedicado ao audiovisual conducido por Simone Saibene e producido por Noveolas Producciones para Telemiño. Emítese en Telemiño en Ourense e provincia, e a través de R Televisión en toda Galicia. Estréase os mércores ás 22.00 horas e retransmítese en diferentes horarios durante o resto da semana. Igualmente todos os programas son visibles na páxina web e no youtube de Telemiño. Cada programa ten unha duración aproximada de 25 minutos. Cinephilia é unha fiestra sobre o audiovisual galego. Cada semana, fai chegar ao tódolos públicos os traballos feitos en Galicia, ademais o coñecemento das profesións técnicas e artísticas que forman parte da obra de arte colectiva que é o cine. En Cinephilia atopan o seu propio espazo as longametraxes de ficcións, os documentais, as curtametraxes, as series, as web series, os videoclips, a animación, o cine experimental, os festivais de cine, e todas aquela variedade de proxectos e iniciativas que contribúen a enriquecer e facer grande o audiovisual galego. Ademais en Cinephilia reflexiónanse de forma amena sobre a historia do cine e faise un percorrido entre as últimas estreas da carteleira do cine comercial e das plataformas dixitais. Cinephilia empezou a súa emisión a finais de setembro de 2019 e leva xa máis de 220 programas. O programa non interrompeu nunca a súa emisión tampouco durante o confinamento no ano 2020. No setembro 2024 empezou oficialmente a sexta tempada. Inaugurouse un novo espazo titulado ‘Enfoca’ dedicado á formación profesional e á educación audiovisual en xeral, e un espazo que recopila as principais localizacións de interese cinematográfico da provincia de Ourense.