A lei de Santos (Cap. 8-14)

Santos marchou de Serramoura e volveu a Viladesantos co obxectivo de dar o que ía ser o seu último golpe, pero as contas da casa non sempre cadran coas do mercado, e a cousa non saíu como pensara. O reencontro cos seus antigos veciños fixo que agromasen sentimentos que levaban moito tempo ocultos nalgún recuncho do seu corazón. E por se iso non fose suficiente, o descubrimento de que é o pai biolóxico de Uxía supuxo un auténtico choque para el, impacto que foi aínda maior ao ser ela unha das gardas civís da vila. Ademais, a inesperada morte de Pancho, despois dun duro enfrontamento con Antonia, obrigou a Santos a facer unha profunda reflexión: seguir sendo Santos, ese temido delincuente, ou abandonar a profesión e volver ser Mario Piñeiro, un honrado cidadán. Con moitas dúbidas sobre o seu futuro, Santos decide regresar de novo a Viladesantos, coa esperanza de atopar alí a resposta.