A XXV edición dos Premios Mestre Mateo chega con novidades nas súas bases. Recollemos a continuación os principais cambios que cómpre ter en conta para esta edición.
Novas categorías de obras.
Incorpóranse novas categorías para diferenciar formatos e ámbitos de creación:
- Mellor Longametraxe
- Mellor Longametraxe en Lingua non galega
- Mellor Curtametraxe de Ficción
- Mellor Curtametraxe Documental
- Mellor Serie
- Mellor Serie en Lingua non galega
- Mellor Programa Informativo, Divulgativo ou de Actualidade
- Mellor Programa de Variedades ou de Entretemento
*Consultar apartado 4 das bases.
Novas categorías de profesionais.
Reestructúranse as categorías de dirección, que pasan a diferenciarse segundo o tipo de obra:
- Mellor Dirección de Longametraxe
- Mellor Dirección de Serie
- Mellor Dirección de Programa
Tamén se reorganizan as categorías de comunicación:
- Mellor Comunicador/a de Programa Informativo, Divulgativo ou de Actualidade
- Mellor Comunicador/a de Programa de Variedades ou de Entretemento
*Consultar apartado 5 das bases.
Se unha produción cumpre a porcentaxe de titularidade galega esixida (entre o 10 % e o 19 %), pero non acada os 7 puntos mínimos de profesionais galegos e elementos de galeguidade non poderá inscribirse nas categorías de produción, pero sí poderá inscribir aos profesionais galegos que participasen na produción.*Consultar apartado 3.1.C. das bases.
Nova regulación do uso da IA.
Todas as obras deberán declarar na inscrición se empregaron IA xerativa:
- Uso nulo.
- Uso auxiliar. Ferramentas para tarefas técnicas non creativas: corrección de cor, subtitulación, limpeza de audio, tradución ou produtividade en posprodución. É compatible con todas as categorías.
- Uso significativo. IA xerativa aplicada a elementos creativos nucleares: imaxes, personaxes, voces, música ou guión. Pode participar nas categorías de produción, pero non nas categorías profesionais individuais relacionadas cos elementos xerados por IA, salvo que se acredite autoría humana.
A declaración é obrigatoria. A omisión ou unha declaración falsa/incompleta poderá supoñer a exclusión da candidatura ou a retirada do premio.
*Consultar apartado 3.3. das bases.
Cambio no período de admisión de obras. Poderán participar as obras que tivesen a súa primeira comunicación pública entre o 1 decembro de 2025 e o 31 decembro de 2026.
*Consultar apartado 3.1. das bases.
Adianto do prazo de inscrición. O prazo para presentar as candidaturas está aberto desde hoxe e ata o 30 de setembro de 2026 ás 14:00 hs para enviar ou entregar as propostas de candidaturas.
*Consultar apartado 7.4.1. das bases.
